Astanada 3 myńǵa jýyq kamera qardyń qalaı tazalanǵanyn tekseredi
ASTANA. QazAqparat - Astana monıtorıng jáne jedel áreket etý ortalyǵy qaladaǵy qar tazalaýdyń sapasyn baqylaıtyn boldy. Kommýnaldyq qyzmettiń jumysyn monıtorıngileý qalalyq beınebaqylaý júıesiniń kómegimen onlaın rejımde júrgizedi, dep habarlaıdy elorda ákimdiginiń resmı saıty.
3000-ǵa jýyq kamera qaladaǵy joldar men turǵyn úılerdiń kireberis aýmaǵyn, ishki kireberis pen balalar alańyn qalaı tazalap jatqanyn baqylaıdy.
Tazalanbaǵan aýlany anyqtaǵan jaǵdaıda monıtorıng ortalyǵynyń operatorlary ol jerge qar tazalaıtyn kólik pen jumysshylardy jiberedi.
Beınebaqylaýdyń jalpy júıesine ázirge Úrker men Kóktal turǵyn alaptary ǵana qosylǵan joq. 
Aıtpaqshy, turǵyndarǵa qolaıly bolý úshin qalanyń kommýnaldyq qyzmetindegi qar tazalaý jumysy táýlik boıy júredi.
«Astana Tazalyq» JShS málimetinshe, qalany qardan tazalaýǵa 300 jumysshy men 256 arnaıy tehnıka jumyldyrylǵan. Qys bastalǵaly astananyń úsh aýdanynan polıgonǵa 2 421 266 tekshe metr qar shyǵaryldy.
Astana ákimdigi barlyq turǵyn úı-kommýnaldyq máselege qatysty, onyń ishinde qar shyǵarý úshin táýlik boıy jumys isteıtin qalalyq Monıtorıng jáne jedel áreket etý ortalyǵyna, saІІ-ortalyqtaǵy 109 nomerine qońyraý shalýǵa bolatynyn eske salady.
Sonymen birge Astana ákimdigi úıdiń janyndaǵy tazartylmaǵan qardy shyǵarý úshin óz úıińizdiń PIK (basqarýshy kompanııa) júginý qajet ekendigin eske salady.
