Astanada 3 maýsymda «Bárimiz birdeımiz, kemsitýdi bilmeımiz» baıqaýynyń irikteý kezeńderi bastalady
ASTANA. QazAqparat - Astanada maýsym aıynyń birinshi jartysynda 18-45 jastaǵy múmkindigi shekteýli jandarǵa arnalǵan «Bárimiz birdeımiz, kemsitýdi bilmeımiz» baıqaýynyń irikteý kezeńderi ótedi. Bul týraly astana.kz saıtyna Astana qalasy ákimi apparatynyń baspasóz qyzmetinen habarlady.
Astanada 3-12 maýsymda 9 atalym boıynsha irikteý kezeńderi ótedi. Sonyń ishinde, «Úzdik áleýmettik joba», «Kásibiniń úzdigi», «Altyn qaýyrsyn», «Úzdik stýdent», «Úzdik bı», «Úzdik oryndaýshy», «Úzdik jasampaz», «Eń tatý otbasy», «Aqyldylar».
«Bárimiz birdeımiz kemsitýdi bilmeımiz» baıqaýy múmkindigi shekteýli adamdardyń ómir súrý sapasyn jaqsartý jáne quqyqtaryn qamtamasyz etý jónindegi is-sharalar josparyn iske asyrý sheńberinde ótkizilip keledi. Baıqaý Astanada alǵash ret byltyr ótkizildi. Uıymdastyrýshylardyń aıtýynsha, sharanyń negizgi maqsaty múmkindigi shekteýli jandardyń shyǵarmashylyq áleýetin damytýǵa jáne ózin-ózi tanytýǵa kómektesý, qoǵamǵa múgedekterdi etene aralastyrýdyń tıimdi tájirıbesin qoldaný.
