Astanada 3 kún ishinde 665 zańsyz mıgrant anyqtaldy - ІІD
ASTANA. 17 mamyr. QazAqparat /Jasulan Amanbaıuly/ - «Zańsyz kelýshi» operatsııasynyń úsh kúni ishinde elordada kóshi-qon zańnamasyn buzǵan 665 shet el azamaty ákimshilik jaýapkershilikke tartyldy.
Bul týraly búgin brıfıngte Astana qalalyq ishki ister departamenti memlekettik til jáne aqparat bóliminiń bastyǵy Nurdildá Oraz málim etti.
Mamyrdyń 11 men 13 kúnderi aralyǵynda ótkizilgen jedel-aldyn alý sharasy kóshi-qon zańnamasyn buzǵan adamdardy anyqtaý maqsatynda ótkizilgen bolatyn.
«Jedel-aldyn alý sharasynyń 3 kúndik qorytyndysy boıynsha, kóshi-qon polıtsııasy qyzmetkerleri 665 shet el azamatyn ákimshilik jaýapkershilikke tartyp, onyń 56 ákimshilik sotpen elden shyǵaryldy. Jeke tulǵasyn anyqtaý úshin ІІD Qabyldap-taratý ornyna TMD-niń 74 azamaty ornalastyryldy»,-dep atap kórsetti N. Oraz.
Onyń aıtýynsha, shara barysynda ІІD krımınaldyq polıtsııa qyzmetkerleri izdeýde júrgen 2 qylmyskerdi ustaǵan.
