Astanada 3 qabatty ǵımarattyń shatyry órtendi
ASTANA. QazAqparat - Astanada 3 qabatty ǵımarattyń shatyry órtendi. Jalyn 30 sharshy metr aımaqty sharpydy, dep habarlaıdy QazAqparat QR ІІM Tótenshe jaǵdaılar komıtetiniń resmı ókili Rýslan Imanqulovqa silteme jasap.
«Saǵat 20-57-de Sh.Qudaıberdiuly kóshesi, 36 mekenjaıda ornalasqan úsh qabatty úıdiń shatyry jandy. Aldyn ala esep boıynsha jalyn sharpyǵan aımaq shamamen 30 sharshy metrdi qurap otyr. Órt saǵat 21-2-da aýyzdyqtalyp, 21-40-ta tolyqtaı sóndirildi», - dedi R.Imanqulov.
Ol taratqan málimetter boıynsha, oqıǵanyń saldarynan zardap shekkender men mert bolǵandar joq. Órttiń shyǵý sebebi anyqtalýda.
Sondaı-aq, órt sóndirýshiler «Almaty» iskerler úıinde shyqqan jalyndy sóndirýge jiberildi. Tótenshe jaǵdaılar komıtetiniń málimetteri boıynsha, ǵımaratta elektr toǵynyń tuıyqtalýynan órt shyqqan.
