Astanada 3 avtobýstyń qozǵalysy shekteledi
ASTANA. QazAqparat - Elordada búgin jáne erteń Pýshkın kóshesindegi jol jóndeý jumystaryna baılanysty úsh qoǵamdyq kóliktiń qozǵalysy shekteledi, dep habarlaıdy QazAqparat tilshisi «Astana LRT» kompanııasynyń baspasóz qyzmetine silteme jasap.
«7 qyrkúıek kúni saǵat 10:00 men 00:00 aralyǵynda jáne 8 qyrkúıek kúni Táýelsizdik dańǵylynan Abylaı han dańǵylyna deıingi ýchastiktegi Pýshkın kóshesinde jol jóndeý jumystaryna baılanysty avtobýs qozǵalysy shekteledi», - delingen habarlamada.
Atap aıtqanda «Arnaý» TK-daǵy bastapqy pýnktinen Táýelsizdik dańǵylynyń qıylysynan - Pýshkın kóshesine deıingi , № 60 avtobýstyń qozǵalysy ózgerissiz qozǵalady. Al odan keıin avtobýs ońǵa Táýelsizdik dańǵylyna, odan keıin solǵa Munaıtpasov kóshesine, odan soń ońǵa Abylaı han dańǵylyna burylyp, ary qaraı qalypty baǵdarda júre beredi. Qaıtqan jolda da avtobýs atalmysh qozǵalys syzbasyna saı júredi.
Sol sekildi №73 avtobýs «Promyshlennyı»TM-daǵy bastapqy pýnktinen Sátpaev pen Munaıtpasov kósheleriniń qıylysyna deıin ózgerissiz qozǵalyp, odan keıin Sátpaev kóshesimen Imanov kóshesine deıin tike tartady. Osydan keıin Jubanov kóshesine burylý arqyly qalypty baǵdarǵa túsedi. Qaıtqan jolda da avtobýs osy baǵdarmen qozǵalady.
Al №104 avtobýs «Azııa park» OSO-daǵy bastapqy pýnktinen Táýelsizdik dańǵyly men Pýshkın kóshesiniń qıylysyna deıin ózgerissiz qozǵalyp, odan keıin ońǵa burylý arqyly Táýelsizdik dańǵylyna, keıin solǵa burylyp Munaıtpasov kóshesine túsedi de, osydan keıin Abylaı han kóshesine, odan ary ońǵa burylyp Pýshkın kóshesine jetedi. Keıin qalypty baǵdaryna túsedi.
Qaıtar jolda da avtobýs atalmysh qozǵalys syzbasyna saı júretin bolady.
