Astanada 3 850 tonna kókónis pen azyq-túlik ónimderin saqtaı alatyn qoıma ashyldy
ASTANA. 5 qazan. QazAqparat - Búgin elordada jańa azyq-túlik qoımasy ashyldy. «ArUl Communication» JShS-ǵa qarasty bul nysan 3 850 tonna kókónis pen azyq-túlik ónimderin saqtaýǵa eseptelgen.
Sharýashylyq basshysy Ulan Arynbekovtyń aıtýynsha, atalǵan nysan elordanyń azyq-túlik beldeýin qalyptastyrýǵa kómektesip, jemis-jıdek pen kókónis ónimderiniń baǵasyn ustap turýǵa múmkindik bermek. «Búginde qoımaǵa 3 850 tonna ónimdi syıǵyzdyrýǵa bolady. Aldaǵy ýaqytta ony 10 myń tonnaǵa deıin jetkizý kózdelgen. Ol úshin qoıma janynan qosymsha qurylys nysandary salynady. Qazirgi kezde qoımada 500 tonna kartop bar, taǵy pııaz qabyldap jatyrmyz. Al arnaıy saqtaý kameralarynda respýblıkanyń ońtústiginen keletin alma ónimderin saqtaýǵa múmkindik bar. Sebebi bul jerde Gollandııanyń tehnologııasy negizinde uzaq merzimge saqtaý sharalary qarastyrylǵan», - deıdi U.Arynbekov.
Aıta keteıik, jańa jobanyń jalpy quny - 403 mln. teńge. Onyń 245 mln.teńgesi - «QazAgroQarjy» AQ qarjysy.
