Astanada 3,5 myńǵa jýyq otbasy apatty úılerden kóshirildi
ASTANA. QazAqparat - Ótken jyly Astanada apatty jaǵdaıdaǵy úılerdi súrý boıynsha jobanyń alǵashqy kezeńi aıaqtaldy. Bul týraly búgin Astana ákimi Áset Isekeshev halyqqa esep berý kezdesýinde málim etti, dep habarlaıdy QazAqparat tilshisi.
Atap ótilgendeı, eski úılerdi súrý jumystary 2013-2018 jyldar aralyǵyndaǵy baǵdarlamaǵa sáıkes iske asyryldy.
«Jobanyń alǵashqy kezeńinde 228 apatty úıden 15 myńǵa jýyq astanalyq, ıaǵnı 3449 otbasy kóshirildi. Onyń ishinde, 2017 jyly 111 apatty úıden 1746 otbasy jańa baspana aldy», - dedi Áset Isekeshev «Astana» kontsert zalynda ótken eseptik kezdesýinde.
Sonymen birge, ákim qazirgi ýaqytta elordada apatty úılerdi súrý jobasynyń ekinshi kezeńi bastalǵanyn atap ótti. Jalpy joba sheńberinde 5 jylda 150 kóppáterli úıdi joıý josparlanǵan.
