Astanada 292 úleskerdi aldap, 4 mlrd teńgeden astam shyǵyn keltirgen kúdikti ustaldy
ASTANA. KAZINFORM — Astanada kópqabatty turǵyn úı keshenin salamyz dep 292 azamattan aqsha jınaǵan topqa qatysy bar kúdikti Shymkentte qolǵa tústi. Keltirilgen shyǵyn 4 mlrd teńgeden asady.
Polisia.kz málimetinshe, astanalyq polıtseıler halyqaralyq izdeýde júrgen 45 jastaǵy er adamdy Shymkentte ustaǵan.
Tergeý derekterine qaraǵanda, kúdikti bir top adammen birge azamattardyń senimine kirip, olardy aldaý arqyly Astanadaǵy kópqabatty turǵyn úı kesheniniń qurylysyna qarajat tartqan. Alaıda qurylys qajetti ruqsat qujattarynsyz jáne memlekettik saraptamanyń oń qorytyndysynsyz júrgizilgen.
Qylmystyq is boıynsha 292 úleskerdiń zardap shekkeni anyqtaldy. Jalpy shyǵyn kólemi 4 mlrd teńgeden asady.
Jedel-izdestirý sharalary barysynda kúdiktiniń uzaq ýaqyt boıy Shymkentte jasyrynyp júrgeni belgili boldy. Ol polıtsııadan boı tasalaý úshin jaldamaly páterlerin jıi aýystyryp otyrǵan.
Qazir er adam ýaqytsha ustaý ızolıatoryna qamaldy.
Eske salaıyq, buǵan deıin Aqtaýda 34 mln teńgeniń altynyn aldap alǵan eki kúdikti ustalǵanyn habarlaǵan edik.
