Astanada 2800 oryndyq 12 balabaqsha ashylady
ASTANA. 22 tamyz. QazAqparat - Astanada 2800 oryndyq 12 balabaqshanyń qurylysy qolǵa alynǵan. Bul týraly astana.kz saıtyna qalalyq Bilim basqarmasynan habarlady.
Ústimizdegi jyly «Balapan» baǵdarlamasy aıasynda 2600 oryndyq 6 memlekettik, 8 jekemenshik balabaqsha, 2 shaǵyn ortalyq ashyldy. Budan basqa, qalada 139 mektepke deıingi mekeme jumys isteıdi, onyń ishinde 78-i - memlekettik, 60-y - memlekettik emes jáne 1-eýi - vedomstvolyq balabaqsha.
5 jylda mektepke deıingi bilim berý mekemeleriniń sany 2,5 esege (2007 jyly 56 mektepke deıingi uıym bolǵan) artqan.
Eske salaıyq, «Balapan» baǵdarlamasy boıynsha 1-6 jastaǵy balalardy qamtý 49,5%, 3-6 jastaǵy balalar 61,9% quraıdy. 22 shaǵyn ortalyq mektepke deıingi daıyndyq jumystarymen qamtý deńgeıin 88,6% (15260 bala) ulǵaıtty.
