Astanada 28 erekshe qajettiligi bar jasóspirim kolledjderde kásibı daıarlyq kýrstaryn aıaqtady
ASTANA. KAZINFORM — Eńbek mamandyqtarynyń jyly aıasynda Astanada «Erekshe bilim berý qajettiligi bar jasóspirimder men eresekterge arnalǵan oqý-óndiristik kombınattar» jobasynyń túlekterine sertıfıkat tapsyrý rásimi ótti. 28 erekshe bilim berý qajettiligi bar jasóspirim «Naýbaıshy», «Kondıter», «Tiginshi» mamandyqtary boıynsha bilim aldy.
Joba «Bolashak Charity» qoǵamdyq qorynyń uıymdastyrýymen, Astana qalasy ákimdigi, «AMANAT» partııasy jáne «Damý» kásipkerlikti damytý qorynyń qoldaýymen júzege asyryldy.
Jobanyń maqsaty — erekshe bilim berý qajettiligi bar jasóspirimderge kásibı bilim alý, áleýmettený jáne jumysqa ornalasý múmkindikterin usyný.
Baǵdarlamaǵa 12-18 jas aralyǵyndaǵy aýtıstıkalyq spektr buzylystary, jeńil jáne ortasha deńgeıdegi aqyl-oı kemistigi, psıhıkalyq damý tejelýi, Daýn sındromy, neırosensorlyq estý qabiletiniń tómendeýi, SDVG jasóspirimder men damýynda aýytqýlary bar eresekter qatysty.
Oqý 6 aı boıy aptasyna eki ret, ár sabaq 3 saǵattan, Astana qalasynyń Qoǵamdyq tamaqtandyrý jáne qyzmet kórsetý kolledjiniń bazasynda júrgizildi. Erekshe bilim berý qajettiligi bar jasóspirimder tigin, mata jáne tigin mashınalarymen jumys, taǵam daıyndaý, aspazdyq jáne sanıtarlyq negizder, kondıterlik is salasynda praktıkalyq daǵdylardy meńgerdi. Sabaq barysynda qatysýshylar óz betinshe jumys isteýge, ózine degen senimdilikti arttyrýǵa jáne bolashaq mamandyǵyna daıyndalýǵa múmkindik aldy.
Joba 2024 jyly «Bolashak Charity» qorynyń Qysqy qaıyrymdylyq balynda jınalǵan qarajat esebinen bastaldy. 2024 jyly kýrsty 34 jasóspirim aıaqtady, olardyń 10-y kolledjge túsip, bilim alýdy jalǵastyrýda, 8 jasóspirim túrli uıymdarda taǵylymdamadan ótti, olardyń úsheýi jumysqa ornalasty.
Іs-sharaǵa «Bolashak Charity» qorynyń Qamqorshylyq keńesiniń tóraıymy Dınara Gaplan, Astana qalasy Bilim basqarmasynyń ókilderi, Qoǵamdyq tamaqtandyrý jáne qyzmet kórsetý kolledjiniń dırektory Zaýre Klyshbaeva, sondaı-aq erekshe bilim berý qajettiligi bar jasóspirimder, olardyń ata-analary, mamandar, áleýmettik kásipkerler jáne basqa da qatysýshylar qatysty.
— Bizdiń qor 10 jyldan beri ınklıýzıvti bilim berýdi damytýda — balabaqshalardan bastap mektepter men kolledjderge deıin jumys istep keledi. Búginde mentaldy buzylystary bar jasóspirimderge kásibı bilim berý máselesi ózekti bolyp otyr: 9 synyptan keıin olar beıimdelmegen baǵdarlamalar saldarynan mektepte oqýyn jalǵastyra almaıdy. Osyǵan baılanysty ótken jyldyń basynda biz kolledjder bazasynda oqý-óndiristik kombınattaryn iske qostyq, onda erekshe bilim berý qajettiligi bar jasóspirimder men eresekter praktıkalyq sabaqtar arqyly mamandyq meńgerýde. Bir jarym jyl ishinde shamamen 70 adam oqytyldy, jáne biz olardyń táýelsiz bolýǵa, ózine senimdi bolýǵa jáne bolashaq mamandyǵyna daıyndalýǵa múmkindik alǵanyn baıqadyq. Mentaldy buzylystary bar adamdardyń erekshelikterin eskere otyryp, kolledjderde oqý baǵdarlamalaryn beıimdeý, olardy praktıkalyq baǵytta jasaý jáne teorııalyq bóligin qysqartsa úlken kómek bolar edi. Qazaqstandaǵy ınklıýzııany damytýdaǵy kelesi qadam — mentaldy buzylystary bar adamdardyń jumysqa turyp, sátti eńbek ete alýy úshin olardy súıemeldeýshiniń bolýyn qamtamasyz etý. Bul úshin ýákiletti uıymdar normatıvtik-quqyqtyq aktiler aıasynda barlyq jaǵdaıdy jasaýy óte mańyzdy, — dep atap ótti «Bolashak Charity» qorynyń Qamqorshylyq keńesiniń tóraıymy Dınara Gaplan.
«Tiginshi» baǵyty boıynsha ÝPK túlegi MaxMara halyqaralyq brendi býtıginde marketolog kómekshisi bolyp jumysqa ornalasty. Bul ınklıýzıvti bilim berýdiń damýynda erekshe qajettiligi bar jasóspirimder úshin naqty perspektıvalardy ashatyn shabyttandyratyn mysal.
— Yńǵaıly atmosfera, pedagogtardyń qoldaýy jáne túsinikti nusqaýlar ulymnyń ózin kórsetýine kómektesti. Ol tek taǵam pisirýdi úırenip qana qoımaı, adamdarmen qarym-qatynas jasaý, nusqaýlardy oryndaý sııaqty ómirlik mańyzdy tájirıbe aldy. Ásirese daıyn ónimdi qolyna alý sáti unady. Bul joba tek oqytý týraly emes, teń múmkindikter týraly. Bul mektep pen eresek ómir arasyndaǵy kópir, derbestikke qaraı taǵy bir qadam, — dedi Beknazar, aýtızmmen aýyratyn jasóspirimniń ákesi Eldos Imanbaev.
«Ár bala mektepke laıyq» baǵdarlamasyna — 10 jyl
«Bolashak Charity» qoǵamdyq qory 2015 jyldan bastap aýtızm jáne basqa da mentaldy buzylystary bar balalarǵa arnalǵan ınklıýzıvti bilim berýdi damytý baǵdarlamasy — «Ár bala mektepke laıyq» jobasyn 10 jyldan beri sátti júzege asyryp keledi.
Qor el boıynsha 90-nan astam arnaıy jabdyqtalǵan ońaltý mekemeleri men kabınetter ashty, onyń ishinde 24 qalada 71 ınklıýzııany qoldaý kabıneti jumys isteıdi. Joba aıasynda erekshe bilim berý qajettiligi bar 2000-nan astam bala qamtyldy, sonyń ishinde 1000-nan astam bala úıde oqytýdan mektepke oraldy.
Inklıýzıvti bilim berý salasynda 600 jańa arnaıy jumys orny quryldy. 4500-den astam maman men ata-ana ınklıýzıvti bilim berý jáne qoldanbaly minez-qulyq taldaýy boıynsha oqýdan ótti. Qordyń shyǵarmashylyq baǵdarlamalaryna 2500-den astam balalar úıiniń tárbıelenýshisi qatysty.
Qordyń ınklıýzııany qoldaý kabınetteri el boıynsha ınklıýzıvti bilim berýdi damytýǵa baǵyttalǵan eksperımenttik alańdar jelisine engizildi. El boıynsha «Bolashak Charity» qorynyń úlgisimen 1500 ınklıýzııany qoldaý kabıneti ashyldy.
Inklıýzıvti bilim berýdi damytý maqsatynda 100-den astam sapaly usynymdar men zańnamalyq túzetý engizildi. Qor Senat janyndaǵy, «AMANAT» partııasy men mınıstrlikterdegi ınklıýzııany damytý máseleleri jónindegi jumys toptarynyń múshesi.
Qor «Erekshe bilim berý qajettiligi bar balalardy oqytýdaǵy minez-qulyq tehnologııalary: dıagnostıka, oqytý jáne qoldaý strategııalary» atty pedagog-assıstentterge arnalǵan oqytý kýrsyn ázirlep, iske qosty. Búgingi tańda bul kýrs boıynsha Qazaqstan men Ortalyq Azııanyń 17-ten astam óńirinen 4000-ǵa jýyq maman bilim aldy.
Aıta ketelik Qazaqstanda ınklıýzııa boıynsha alǵashqy búkilálemdik kongress ótetini týraly jazǵan edik.