Astanada 262 500 teńgeniń qaraqshylyq dıskilerin satqan bes azamat ustaldy
ASTANA. 1 sáýir. QazAqparat - Bıylǵy jyldyń 29 naýryzynda elordalyq quqyq qorǵaý qyzmetkerleri avtorlyq quqyqtyń saqtalýy úshin kezekti tekserýlerin bazar aýmaqtary men saýda úıleriniń mańynda júrgizdi.
Bul týraly Astana qalasy Ádilet departamentiniń baspasóz qyzmeti málim etti, dep habarlaıdy astana.kzsaıty.
«Kontrafakt» dep atalatyn shuǵyl-aldyn alý is-sharasy «Shanhaı» bazary aýmaǵy men «Artem», «Vstrecha», «Gúljan» saýda úılerinde júrgizildi. Tekserý barysynda qaraqshylyq ónimder satýmen aınalysqan bes azamat ustaldy. Olardan 262 500 teńgeniń 875 aýdıo jáne beıne-dıskileri tárkilendi», - delingen habarlamada.
Eske salaıyq, buǵan deıin 2013 jyldyń 21 naýryzynda osyndaı «Kontrafakt» shuǵyl aldyn alý is-sharasy kezinde elordada 4 aýdıo-beıne ónimderdi zańsyz satatyn oryn anyqtalǵan bolatyn. Olardan 289 200 teńgeniń 964 qaraqshylyq DVD-dıskileri tárkilendi. Ustalǵan azamattardyń barlyǵy da 20 men 25 jastyń aralyǵyndaǵy QR azamattary.
