Astanada 26 jastaǵy Baqtııar Jamanǵaraevty úsh kúnnen beri izdeýde
ASTANA. QazAqparat - Astanada joǵalyp ketken Qazaq gýmanıtarlyq-zań ýnıversıtetiniń túlegi Baqtııar Jamanǵaraevty úshinshi kún boıy izdeýde.
«Áli tabylmaı tur. Basqalaı aqparattardy tergeý múddesi úshin ázirge tarata almaımyz. Barlyǵy bitken boıda, aıtamyz», - dep habarlady «QazAqparat» HAA-ǵa Baqtııardyń dosy Aqan.
Eske sala keteıik, 11 tamyzda Baqtııar saǵat 14.00-te Báıterek mańyndaǵy «Dıplomat» turǵyn úı keshenindegi úıinen shyqqan. Jas jigit áýejaıdan anasyn qarsy alýy tıis bolatyn. Biraq ta onyń jaqyndarynan eshkim de budan keıin ony kórgen joq.
Týystarynyń aıtýynsha, B.Jamanǵaraev Astanada turady, boıy shamamen 170-175 sm, dene bitimi ortasha.
Astana ІІD Baqtııar Jamanǵaraevtyń joǵalyp ketkeni týraly aqparatty qýattady. Qazirgi kezde polıtsııaǵa habarlanǵannan keıin jas jigitti izdeý jumystary júrgizilýde.
Belgili bolǵandaı, joǵalyp ketken sátke deıin jas jigit býkmeker keńsesinde bás tikken.
