Astanada 26 jastaǵy áıel geroınmen ustaldy
ASTANA. 10 mamyr. QazAqparat - 8 mamyr kúni keshki saǵat 8 jarymda Astana qalasynyń ІІD-niń Esirtkige qarsy kúres basqarmasynyń qyzmetkerleri jedel-izdestirý is-sharalary barysynda 26 jastaǵy áıeldi ustady.
Odan 12 gramm (11, 97) geroın tárkilendi. Bul týraly búgin QR Іshki ister mınıstrliginde ótken brıfıng barysynda málim boldy.
Atalǵan fakti boıynsha qylmystyq is qozǵaldy. Ustalǵan azamatsha ýaqytsha ustaý abaqtysyna qamaldy.
Budan bólek, almatylyq jedel qyzmet ýákilderi Áýezov aýdanyndaǵy turǵyn úıdiń kireberisinde 42 keli marıhýana satpaq bolǵan 44 jastaǵy jergilikti turǵyndy ustaǵan. Onyń páterin tintý barysynda 51,5 keli marıhýana tárkilendi.
