Astanada 26 taksıst ruqsatsyz jolaýshy tasymaldap júrgen
NUR-SULTAN. QazAqparat - Elordada «Qaýipsiz jol» jedel aldyn alý sharasyn ótkizý barysynda 26 zańsyz taksı júrgizýshisi ustaldy, dep habarlaıdy QazAqparat.
Bir kúnde polıtseıler tıisti qujatsyz «taksı» qyzmetimen aınalysqan Ózbekstan men Tájikstannyń úsh azamatyn ustady.
Júrgizýshiler «Yandex» mobıldi qosymshasyn paıdalanyp jolaýshy tasymaldaǵan.
Sheteldikterge qatysty QR ÁQBtK-niń 463-baby boıynsha ákimshilik hattama toltyrylyp, avtokólikter kommýnaldyq turaqqa qoıyldy.
Elordada «Qaýipsiz jol» aılyǵy ótip jatyr. Atalǵan shara bastalǵannan beri 3 myńǵa jýyq jol erejesin buzý faktisi anyqtaldy, onyń ishinde 39-yn qoǵamdyq kólik júrgizýshileri jasaǵan.
Qaýipsizdik beldigin taqpaǵany úshin 500-den astam júrgizýshi, manevr jasaý erejesin buzǵany úshin 100-den astam, baǵdarshamnyń tyıym salynǵan sıgnalyna ótkeni úshin 168 jáne qarsy jolaqqa shyqqany úshin 22 júrgizýshige aıyppul salyndy.
Sondaı-aq, beınebaqylaý kameralary jol erejesin óreskel buzý faktisin tirkedi.
Saǵat 09.12 shamasynda «Toyota Corolla» markaly avtokóliginiń júrgizýshisi Turan dańǵylymen eki jaqty qozǵalystaǵy jolda kele jatyp, qarsy qozǵalysqa arnalǵan jolǵa shyǵyp, sol jolmen kele jatqan.
Júrgizýshige qatysty QR ÁQBtK-niń 593-babynyń 3-bóligi boıynsha ákimshilik is qozǵaldy, materıaldar sotqa joldandy.
