Astanada 250 myń adam tirkeýsiz júrgen - kóshi-qon polıtsııasy
ASTANA. QazAqparat - Astanada xalyqty ýaqytsha jáne turaqty tirkeýge qoıý sharalarynyń aldyn ala qorytyndysy shyǵaryldy, dep habarlaıdy QazAqparat tilshisi Elorda Aqparat saıtyna silteme jasap.
Qalalyq kóshi-qon polıtsııasy basqarmasynyń bastyǵy Gúlvıra Dónenbaevanyń aıtýynsha, jyl basynan beri elordada 250 myń adam tirkeýge turdy. Sonyń ishinde 100 myń adam turaqty tirkeýge tursa, 150 myń adam - ýaqytsha. Endi, osy málimetterdiń negizinde jergilikti atqarýshy organdar mindetti áleýmettik medıtsınalyq saqtandyrýdy engizý, mektep pen balabaqshalardy salý, jalpy qalany damytý josparlaryn túzete alady.
"Negizi, baspananyń aýdanyna qaraı árbir adamdy tirkeýge qoıý tetikteri zańmen bekitilgennen keıin Astanada páterdi jasyryn jalǵa berý áreketteri azaıýy tıis. Degenmen, Prezıdenttiń tikeleı tapsyrmasy men jergilikti bıliktiń qolǵa alyp jatqan sharalaryna qaramastan, páterdi zańsyz jalǵa berý men tirkeýge qoıý bıznesi áli de báseńdeıtin emes", - deıdi Dónenbaeva.
