Astanada 250 000 teńge aqshalaı syıaqy beriletin elimizdegi jalǵyz marafon ótip jatyr
ASTANA. QazAqparat - Elordalyq «Alaý» muz saraıynda «Alau Ice Marathon» resmı konkı tebý maýsymynyń qorytyndy kezeńi ótip jatyr, dep habarlady astana.gov.kz.
Dástúr boıynsha kóp saıystan Qazaqstan chempıonaty aıaqtalǵannan keıin sportshylar «Alau Ice Marathon» týrnıriniń dıstantsııasy - 60 aınalymdy baǵyndyrý úshin muz aıdynǵa taǵy da shyǵady. Marafonnyń eki ereksheligi bar. Onyń qashyqtyǵy sportshylardyń maýsym boıy júgiretin barlyq dıstantsııalarynan uzaǵyraq. Sonymen qatar, bul 250 000 teńge mólsherinde aqshalaı syıaqy beriletin elimizdegi jalǵyz resmı saıys. Belgilengen qarjylaı syıaqy qory úshin sprınterler de, staıerler da baqtaryn synady. Jarys jolyna 20 adam shyqty. Bul elordalyq marafon tarıhyndaǵy eń tartysty saıys boldy. Nátıjesinde Petropavl qalasynyń sportshysy Fedor Andreev jeńiske jetti. Al Fedor Andreev úshin bul «úlken joldaǵy» alǵashqy tolyqqandy maýsym. Buǵan deıin ol short-trekpen aınalysqan eken. «Alaý» muz saraıyndaǵy konkı tebý maýsymynyń resmı kezeńi óz máresine jetti. Aldaǵy ýaqytta balalarǵa arnalǵan eki saıys ótkiziledi. Solardyń qatarynda eń mańyzdysy - mektep oqýshylary arasyndaǵy spartakıada. Aıta keteıik, naýryzda ótken resmı emes Qazaqstan birinshiliginde Astana qalasynyń oqýshylary 7 altyn medal ıelenip, úzdik nátıje kórsetken bolatyn. Aldaǵy spartakıdada da aıtarlyqtaı jetistikke jetedi dep úmittenemiz. Atalǵan jarys 1 sáýirde bastalady.
