Astanada 25 jastaǵy azamatty kólikke bola óltirgen
ASTANA. QazAqparat - Astanada polıtseıler 25 jastaǵy er adamdy óltirdi degen kúdikpen 1991, 1993 jáne 1994 jylǵy úsh azamatty ustady. Kúdiktiler OQO turǵyndary, olardyń eshqaıda jumys istemeıtindikteri atap ótiledi. Qylmysqa óltirilgen er adamnyń kóligin ıelený sebep bolǵan.
«2016 jyldyń 4 sáýirinde saǵat 09:00 shamasynda Astana qalalyq ІІD JBO-ǵa Sarykól kóshesindegi úılerdiń biriniń janynda er adamnyń múrdesi tabylǵany týraly habarlama kelip tústi. Oqıǵa ornyna kelip jetken tergeý-jedel toby er adamnyń denesinen zorlyqpen óltirilý belgilerin anyqtady. Oǵan kóptegen pyshaq jaraqattary salynǵan», - delingen Astana qalalyq ІІD baspasóz qyzmetiniń habarlamasynda.
Krımınaldyq polıtsııa qyzmetkerleri táýlik boıy júrgizgen jedel-izdeý sharalar kesheniniń nátıjesinde «Shanhaı» bazarynyń aýmaǵynda sol jerden qalaaralyq avtobýsqa minip ketpek bolǵan kúdikti úsh er adamdy ustady. Ustalǵandardyń biriniń buryn qylmystyq jaýapkershilikke tartylǵany anyqtaldy.
Kúdiktilerge qatysty QR QK-niń 99-baby (adam óltirý) boıynsha sot aldyndaǵy tergeý amaldary júrgizilip jatyr.
