Astanada 25 myńynshy bolyp týǵan sábıge avtokreslo syılandy
ASTANA. QazAqparat - Sábıdiń anasynyń jaǵdaıy jaqsy jáne perzenthanada shyǵýǵa daıyndalyp jatyr. Elordanyń Densaýlyq saqtaý basqarmasy habarlaǵandaı, 7 qarashaǵa qaraǵan túni №3 perzenthanada 25 myńynshy sábı (2016 jyl basynan beri) dúnıege keldi. Jańa týǵan sábıdiń anasy Ásem Janaıdarovanyń aıtýynsha, balanyń salmaǵy 2688 gramm, al boıy 48 sm.
Astana qalasy Densaýlyq saqtaý basqarmasynyń ókilderi elordanyń jańa 25 myńynshy sábıine kishigirim syılyq - avtokreslosy bar «qysqy/jazǵy» arba syılady.
Mekemeniń aıtýynsha, esep týý ýaqyttaryn jýrnalǵa tirkeý arqyly júrgizildi. Málimetter Respýblıkalyq elektrondy densaýlyq saqtaý ortalyǵyna jiberilip otyrǵan, sol arqyly Astanada dúnıege kelgen 25 myńynshy balany anyqtadyq.
«Búginde Astana qarqyndy damý ústindegi qala. Jyl saıyn Astanadaǵy týý sanynyń ósýi baıqalady. Jyl saıyn №3 perzenthanada shamamen 7 myńǵa jýyq ana bosanady. Bıylǵy 9 aıda 1324 kesar tiligi operatsııalary jasalyp, 6 184 áıel tabıǵı jolmen bosanǵan», - dep jazylǵan habarlamada.
