Astanada 240 oryndyq jańa balabaqsha ashyldy
ASTANA. QazAqparat - Memleket basshysynyń Qazaqstan halqyna arnalǵan «Nurly jol bolashaqqa bastar jol» Joldaýynda aıtylǵan tapsyrmalaryn iske asyrý maqsatynda mektepke deıingi bilim berý mekemelerinde oryn tapshylyǵyn azaıtý boıynsha keshendi jumystar júrgizilýde.
Atalǵan baǵdarlama aıasynda «Almaty» aýdany Aınakól kóshesi, 66/1 (Qanysh Sátbaev (Mırzoıan) kóshesiniń qıylysynda) mekenjaıynda № 83 «Jansaıa» sábıler balabaqshasy ashyldy, dep habarlaıdy ákimdiktiń resmı saıty.
Joba boıynsha mektepke deıingi bilim berý mekemesi 240 orynǵa eseptelgen, onda ár túrli jastaǵy balalar úshin 12 top jumys isteıdi.
Budan bólek, osy jyly úsh balabaqsha paıdalanýǵa berildi, olar: Túrkistan-Orynbor kósheleriniń qıylysy aýdanyndaǵy 200 oryndyq № 15 «Daryn», S. Toraıǵyrov kóshesi, 11 mekenjaıyndaǵy 140 oryndyq № 80 «Botaqan» («Memsaraptama» RMK ınvestorlary esebinen), 38/2 kóshesi mekenjaıynda ornalasqan № 84 «Káýsar» («NK «QTJ» UK» AQ ınvestorlary esebinen) sábıler balabaqshalary. Aǵymdaǵy jyldyń aıaǵyna deıin taǵy da eki sábıler balabaqshasyn paıdalanýǵa berý josparlanyp otyr, olar: 240 oryndyq № 82 «Aıarý» (Saýran kóshesi, 24), 240 oryndyq № 86 «Zııatker» (Syǵanaq kóshesi, 1) sábıler balabaqshalary.
Mektepke deıingi bilim berýge arnalǵan jańa nysandar balalardyń oıyn oınaýyna, demalýyna jáne oqýyna qajetti barlyq oryn-jaılardan turady.
Joǵaryda atalǵan jańadan paıdalanýǵa beriletin barlyq alty mektepke deıingi mekemelerge jasaqtaý 2015 jyldyń 13 qarashasynda jospardan tys júrgiziledi. Ony kezekke tirkelgen barlyq jas erekshelikteri toptaryndaǵy balalar úshin Qartaly kóshesindegi № 61 mektepte jumys toby bóledi.
Jyl basynan beri qazirdiń ózinde úsh balabaqsha jumys istep jatqanyn esterińizge salamyz, olar: Túrkistan kóshesi, 12/1 mekenjaıyndaǵy 240 oryndyq № 78 «Asyl», A195 kóshesi, 1-úıdegi 240 oryndyq «Shabyt», Nájimedenov kóshesi, 18/3 mekenjaıyndaǵy 240 oryndyq «Ásemgúl» balabaqshalary.
Budan bólek, 2016 jyldyń 1 qańtarynan Astana qalasynyń kommýnaldyq menshigine Hýseın ben Talal men № 36 kósheleriniń qıylysy aýdanyndaǵy kóppáterli turǵyn úı kesheniniń birinshi qabatynda ornalasqan 48 oryndyq balabaqsha paıdalanýǵa beriledi. Ony jumys istep jatqan №54 «Nuraı» balabaqshasyna qosý uıǵarylyp otyr. Bul nysan Bas prokýratýra qarajaty esebinen turǵyzylyp, 2015 jyly 27 qazanda ashyldy.
