Astanada 24 jastaǵy jigit 8-shi qabattan sekirip mert boldy
ASTANA. QazAqparat - Astanada 24 jastaǵy jigit 8-shi qabattan sekirip mert boldy. Bul derekti Astana qalalyq ishki ister departamentiniń baspasóz qyzmetinen habarlady.
«Tańǵy saǵat 07-00 shamasynda Astana qalalyq ІІD Jedel basqarý ortalyǵyna Imanbaev kóshesi boıyndaǵy úıden bir azamattyń 8-shi qabattaǵy óz páteri terezesinen sekirip ketkendigi jaıynda aqparat tústi. Oqıǵa ornyna jetken polıtsııa qyzmetkerleri onyń 1991 jyly dúnıege kelgen Astana qalasynyń turǵyny A esimdi azamat ekendigin anyqtady», - delingen habarlamada.
Vedomstvo aqparatyna qaraǵanda, terezeden sekirgen azamat shuǵyl arada aýrýhanaǵa jetkizilgen. Alaıda, ol alǵan jaraqaty saldaryn qaza tapty.
«Atalǵan fakti boıynsha sotqa deıingi tergeý amaldary júrgizilýde. Qajetti saraptamalar taǵaıyndaldy. Mundaı qadamǵa jas jigitti qandaı jaıt ıtermelegendigi anyqtalýda», - dep málim etti Astana qalalyq ІІD baspasóz qyzmetinen.
