Astanada 24 saǵat boıy júgirýden ashyq chempıonat ótedi
ASTANA.QazAqparat - 7-8 qazan kúni Astana qalasynda «Self-Transcendence - óz-ózindi baǵyndyrý» atty táýlik boıy júgirýden ashyq Qazaqstan chempıonaty ótedi, bul týraly QR Jeńil atletıka federatsııasy habarlady.
Ashyq chempıonatty salaýatty ómir saltyn nasıhattap júrgen elordalyq Astana Runners klýby men Qazaqstan jeńil atletıka federatsııasy birlesip uıymdasyryp otyr. Atalǵan báseke Astana qalasynyń ortalyq saıabaǵynyń shańǵy-rollerlik tas jolynda ótedi.
Uıymdastyrýshylardyń aıtýynsha , jarysqa kez kelgen marafonshy jáne áýesqoı sportshylardyń qatysýyna bolady. Pýnktterdiń barlyǵynda ystyq tamaq, medıtsınalyq kómek, demalý orny qarastyrylǵan.
Jarys ótetin tas jol sertıfıkatsııadan ótkizilgen. Ulttyq dárejedegi tóreshiler qazylyq etedi. Ýltramafonǵa qatysýshylarǵa barlyq jaǵdaı jasalǵan. Sondaı-aq normatıv oryndaǵandarǵa sport dárejeleri beriledi.
Aıta keterligi, jarysqa qatysýǵa qazirge deıin 50-den astam adam ótinish bildirgen. 7 qazan chempıonat aldynda sol jerde de tirkelýge múmkindik qarastyrylǵan.
Ashyq chempıonattyń baǵdarlamasy:
|
Qashyqtyq |
Starttyń bastalýy |
Márege jetýi ýaqyty |
Lımıt |
Eń tómengi talaptar |
|
6 saǵat |
Saǵ 10:00 07.10.2017 |
Saǵ 16:00 07.10.2017 |
- |
Marafon, 42 shaqyrym 195 metr |
|
100 shaqyrym |
Saǵ 21:00 07.10.2017 |
10:00-den keshikpeý kerek 08.10.2017 |
13 saǵat |
Marafon, 42 shaqyrym 195 metr |
|
24 saǵat |
Saǵ 10:00 07.10.2017 |
Saǵ 10:00 08.10.2017 |
130 shaqyrymnan kem emes |
Marafon, 42 shaqyrym 195 metr |
