Astanada 24 adam zardap shekken jol apatyna kináli kólik júrgizýshisi bir jylǵa bas bostandyǵynan aıyryldy
ASTANA. QazAqparat - Astanada baǵdarly avtobýstyń 24 jolaýshysy zardap shekken jol apatyna kináli kólik júrgizýshisi bir jyl bas bostandyǵyn aıyrý jazasyn aldy.
Jol apaty ótken jyldyń qarasha aıynda qalanyń Qabanbaı batyr dańǵyly men Kereı men Jánibek handar kóshesiniń qıylysynda oryn alǵan bolatyn, dep habarlaıdy qalalyq ІІD-niń baspasóz qyzmetinen.
«Esil aýdandyq sotynyń Mevlıýd oǵly Rasım Nýrıevıchti QR QK-niń 345 babynyń 2 bólimimen (abaısyzda adam ómirine aýyr zııan keltirgen jol qozǵalysy erejelerin buzý nemese kóliktik quraldardy paıdalanýshy tulǵalardyń kóliktik quraldardy paıdalaný erejelerin buzý) aıypty dep tanyǵan qaýlysy zańdy kúshine enip, oǵan 1 (bir) jyl bas bostandyǵynan aıyrý jazasy berildi», - delingen habarlamada.
Buryn habarlanǵandaı, 2014 jyldyń 22 qarashasynda saǵat 17-niń kezinde «KamAZ júk kóligin basqarǵan Mevlıýd oǵly R.N. Qabanbaı batyr dańǵyly men Kereı, Jánibek handar kóshesiniń qıylysynda baǵdarshamnyń tyıym salatyn belgisine shyǵyp, baǵdarlyq avtobýspen soqtyǵysqan.
Sonyń saldarynan avtobýstyń 24 jolaýshysy túrli dene jaraqattaryn alǵan.
