Astanada 24-25 mamyr kúnderi aýyl sharýashylyǵy jármeńkesi ótedi

ASTANA. KAZINFORM – Elordada 24-25 mamyr kúnderi qalalyq aýyl sharýashylyǵy jármeńkesi ótedi. Bul týraly Astana qalasy ákimdigi habarlady. 

Jármeńkede eldiń túrli óńirlerinen kelgen jergilikti fermerler men óndirýshilerdiń ónimderi usynylady. Qala turǵyndary men qonaqtary kókónister men jemisterdi, et, un jáne sút ónimderin, nan-toqash, tabıǵı shyryndar, tosaptar men basqa da kóptegen ónimderdi tıimdi baǵamen satyp ala alady.

Іs-shara 24 jáne 25 mamyr kúnderi saǵat 09:00-den 19:00-ge deıin Nurǵısa Tilendıev dańǵyly, 12a mekenjaıyndaǵy «Koktal» saýda-oıyn-saýyq ortalyǵynda ótedi.

Aıta ketý kerek, elordada aýyl sharýashylyǵy jármeńkesi Beıbarys Sultan kóshesi, 23 mekenjaıynda (Rıo-de-Janeıro turǵyn úı kesheniniń qarsysynda) turaqty túrde jumys istep tur. Ol kún saıyn saǵat 09:00-den 19:00-ge deıin ashyq.

Jurttyń yńǵaılylyǵy úshin jármeńke mańynda №2, 32, 49, 50, 73 avtobýs baǵyttary júredi, bul is-shara ótetin orynǵa tez jetý úshin uıymdastyryldy.

Eske sala keteıik, ótken demalys kúnderi de Astanada qalalyq aýylsharýashylyq jármeńkesi ótedi.