Astanada 23 jastaǵy jigit úsh kúnnen beri izdestirilýde
ASTANA. QazAqparat - Astanada 23 jastaǵy Rústem Ospanovty úsh kúnnen beri izdestirýde. Joǵalyp ketken jigitti izdestirý jónindegi aqparat áleýmettik jelilerde taratyldy.
«R.Ospanov 5 jeltoqsan kúni úıinen shyǵyp ketken jáne osy kezge deıin oralǵan joq. Sońǵy ret jas jigitti onyń dosy kórgen. Rústem ony óziniń qara «Lada Prıora» (032 DTA óńiri 01) mashınasymen jetkizip salyp, ári qaraı belgisiz baǵytqa ketken. Sodan beri ol jóninde eshqandaı habar-oshar joq», - delingen taratylǵan habarlamada.
Rústem aryqsha kelgen, kózi qara, boıy 175 sm. Ol «ADIDAS», fırmasynyń uzyn kúńgirt-kók tústi kúrtesin, sporttyq shalbar men krossovka kıgen. Týystary onyń minezi jumsaq, biraq ózin-ózi qorǵaı alatyn jigit retinde sıpattaıdy. Olar tabylatynyna senimdi.
Qazirgi kezde ony izdeýge polıtsııa qyzmetkerleri men týystary ǵana emes, bul oqıǵaǵa beı-jaı qaramaıtyn áleýmettik jeliler paıdalanýshylary da jumyldy. Joǵalyp ketken Rústem Ospanov týraly qandaı aqparat bolsa da, astanalyq ІІD-ine, nemese 87789688984; 87015829565; 87012498585 telefondaryna habarlasý suralady.
Eske sala keteıik, qarashanyń sońynda «Qazatomónerkásip» UAK» AQ qyzmetkeri Ámirbek Moldabekov te joǵalyp ketken bolatyn.
