Astanada 23 tamyzda oqýshylarǵa arnalǵan mektep jármeńkesi ótedi
ASTANA. QazAqparat - Búgin Astanada qalalyq ákimdik aldyndaǵy Ortalyq alańda mektep jármeńkesi ótti, kelesi jármeńke bir aptadan soń bolady, dep habarlady astana.kz.
Astanada mektep taýarlary men oqý quraldary jármeńkesi ótti. Kelesi jármeńke 23 tamyzda ótedi. Turǵyndarǵa yńǵaıly bolýy úshin jármeńke senbige josparlanǵan. Onda oqýshyǵa qajetti zattardyń barlyǵy bar. Oqýshy sómkesi, mektepke deıingi jáne mektep jasyndaǵy balalar kıimi qoljetimdi baǵamen satylýda.
Astana qalasy ákimdigi aldyndaǵy Ortalyq alańda ótken búgingi jármeńkede 30 saýda shatyry tigildi. Onda astanalyq kásipkerlermen qatar, Qazaqstannyń ózge óńirlerinen kelgen isker azamattar da óz taýarlaryn usyndy.
