Astanada 23 ıtelgini Arabııaǵa ótkizbek bolǵandar ustaldy
ASTANA. QazAqparat - Nursultan Nazarbaev Halyqaralyq áýejaıynda Birikken Arab Ámirlikterine kontrabandalyq jolmen 23 ıtelgini tirideı ótkizbek bolǵandar quryqtaldy, dep habarlaıdy QazAqparat QR UQK Shekara qyzmetine silteme jasap.
«Astana» shekaralyq baqylaý jasaǵynyń qyzmetkerleri «Astana-Dýbaı» baǵytyndaǵy ushaqtan 23 tiri ıtelgi qusy bar kontrabandalyq júkti anyqtady.
Júk tıelip jatqan kezde kólemi úlken qara tústi 3 sómke shekarashylardyń kúdigin týǵyzǵan. Tekseris barysynda olardyń ishinen qyzyl kitapqa engen qustar bar aǵash qoraptar shyqty.
Quqyq qorǵaý jáne basqa da jaýapty organdarǵa aqparat berilip, kontrabandalyq júk Almatyǵa jiberildi.
