Astanada 22 maıdanger páterge ıe boldy

ASTANA. Mamyrdyń 7-si. QazAqparat /Jasulan Amanbaıuly/ - Búgin Astana qalasynyń Almaty aýdandyq ákimdiginde Uly Otan soǵysynyń 22 ardagerine páter kiltteri tabystaldy,

dep habarlaıdy QazAqparat.

Elbasynyń tapsyrmasy boıynsha ardagerlerge páter kiltterin Astana qalasy Almaty aýdanynyń ákimi Sapar Ahmetov tabystady. Onyń aıtýynsha, páterler 22 ardagerge Astanadaǵy «Jibek joly» jáne «Favorıt» turǵyn úı keshenderinen bólindi.

«Uly Otan soǵysyndaı adamzat tarıhynda buryn-sońdy alapat soǵys bolmaǵan. Sizder sol soǵysta erlikpen Jeńis áperdińizder. Sizderdiń ómirlerińiz ben erlikterińiz jas urpaq úshin - qaısarlyq pen patrıotızmniń jarqyn mysaly bolyp qalmaq»,- dedi S. Ahmetov quttyqtaý sózinde.

Páter alyp, qýanyshqa bólengenderdiń biri Brıansk shaıqasyna, Orlov-Kýrsk qantógisine qatysyp, soǵystan keıin Aqmola oblysynda ishki ister organdarynda 31 jyl qyzmet atqarǵan ardager Temirǵalı Ádilbekov. 87 jasty alqymdaǵan qart maıdanger Elbasyna óziniń júrek jardy alǵysyng bildirdi.

«Ózim sııaqty soǵys ardagerlerin jáne Qazaqstan halqyn Jeńis kúnimen quttyqtaımyn! Aspanymyz qashan da ashyq, elimiz tynysh bolsyn! Qazaqstan halqynyń dostyǵy nyǵaıa bersin», deıdi T. Ádilbekov.