Astanada 214 saılaý ýchaskesi jumys isteýde - qalalyq saılaý komıssııasynyń tóraǵasy
ASTANA. 3 sáýir. QazAqparat /Gúlmıra Álıakparova/ - Búgin, 3 sáýir kúni ótip jatqan QR Prezıdentiniń kezekten tys saılaýynda Astanada 214 saılaý ýchaskesi jumys isteýde.
Bul týraly Agenttik tilshilerine bergen suhbatynda qalalyq saılaý komıssııasynyń tóraǵasy Qarshyǵa Qulmuqanov málim etti.
214 saılaý ýchaskesiniń 31-i kirip-shyǵý shekteýli mekemelerde ornalasqan. Atap aıtqanda, 22 - aýrýhanalarda, 6 - áskerı bólimshelerde, 2 - tergeý ızolıatorlarynda jáne 1 - medıtsınalyq-sanıtarlyq mekemede. Qalǵan 183-iniń 60 - Saryarqa aýdanynda, 76-y - Almaty, 15-i Esil aýdandaryndaǵy túrli nysandarda ornalasqan.
Q.Qulmuqanov anyqtap bergendeı, daýys berý bıýlletenderi ázirlene bastaǵan 2011 jyldyń 1 naýryzyna deıin elordada saılaýshylar tiziminde 340 myń adam boldy.
Eske salaıyq, búgingi kúnge deıin ózin saılaýshylar tiziminde anyqtamaǵan azamattar, saılaý ýchaskelerin qala ákimdigi janynda qurylǵan 8 (7172) 55-74-50, 55-74-55 jáne 55-74-53 anyqtama telefondary arqyly bile alady.
