Astanada 21 tamyzda nóser jańbyr jaýyp, burshaq túsýi yqtımal
ASTANA. QazAqparat - Astana qalalyq Tótenshe jaǵdaılar departamentiniń «Qazgıdrometke» silteme jasap habarlaýynsha, 21 tamyzda qatty jańbyr jaýady, soltústikten jel soǵady, ekpini 15-20 m/s.
Oqtyn-oqtyn naızaǵaı jarqyldap, daýyl turyp, burshaq jaýýy múmkin.
Sondaı-aq departament «tabıǵı sıpattaǵy tótenshe jaǵdaıynda adamdardyń qaza bolýyna jol bermeý maqsatynda, vedomstvolyq baǵynystaǵy kásiporyndar men uıymdarynyń turaqty jáne avarııasyz jumysyn qamtamasyz etý boıynsha, qalalyq qyzmetter, tirshilikti qamtamasyz etý obektileriniń, departamentter men basqarmalardyń basshylary qajetti sharalardy qabyldaýy tıistigin» eskertedi.
