Astanada 21 myńnan astam jasóspirimge vaktsına salý máselesi ózekti bolyp otyr
ASTANA. QazAqparat - Elordada qyzylshaǵa qarsy ımmýndaý júrgizý úshin 150-ge jýyq jyljymaly brıgada quryldy. Astana qalasy ákiminiń orynbasary Ermek Amanshaevtyń jetekshiligimen Astana qalasy ákimdiginiń janyndaǵy juqpaly aýrýlardy tómendetý boıynsha shtab otyrysy ótti. Jıyn barysynda 15-19 jas arasyndaǵy tulǵalarǵa qyzylshaǵa qarsy qosymsha ımmýndaý júrgizý máselesi qarastyryldy, dep habarlady qalalyq ákimdiktiń baspasóz qyzmetinen.
Atalǵan kampanııany ótkizý úshin sapaly jaǵdaılar jasaý, ımmýndaý merzimi, ekpe qabyldaǵannan keıin mindetti medıtsınalyq baqylaý júrgizý, aqparattyq-túsindirme jumystaryn júrgizý boıynsha máseleler qarastyryldy. Qazirgi ýaqytta 21 580 balaǵa vaktsına salý máselesi ózekti bolyp otyr. Osyǵan oraı, qalanyń 10 emhanalarynda jáne 7 alǵashqy medıtsınalyq-sanıtarııalyq kómek uıymdarynda, sondaı-aq 110 bilim berý uıymdarynda 127 ekpe salý bólmeleri men ımmýndaý júrgizý úshin 142 jyljymaly brıgadalar qurylǵan.
