Astanada 21-31 tamyz aralyǵynda SQO-nyń mádenıet kúnderi ótedi
Astananyń qalalyq alańy saltanatty túrde 24 tamyzda ashylady. 21-31 tamyz aralyǵynda «Etnoaýyl» ulttyq mádenı kesheninde SQO-nyń sýretshileri men qolóner sheberleriniń kórme-jármeńkesi ótedi. Sondaı-aq SQO kúnderi aıasynda QR Ulttyq muraǵatynda «Qazaqstannyń jańa tarıhı kezeńderi» atty sırek jáne biregeı materıaldarynyń kórmesi ashylady».
Olar 26 tamyzǵa deıin jumys isteıdi. 25 tamyzda birneshe sharalar ótedi. «Báıterektiń» janynda oblystyń úzdik ártisteriniń qatysýymen merekelik kontsert ótedi. M. Gorkıı atyndaǵy memlekettik akademııalyq orys drama teatrynda N. Pogodın atyndaǵy drama teatrynyń gastroli ótedi.
Artıster «Rojdestvo aldyndaǵy tún» atty spektakl qoıady. S. Muqanov atyndaǵy qazaq mýzykalyq-drama teatry Q. Qýanyshbaev atyndaǵy akademııalyq qazaq teatrynda «Revızor» komedııasyn qoıady. 24-25 tamyz aralyǵynda qýyrshaqtar teatry balalarǵa arnalǵan Bıke Qulynshaqova men Evgenıı Permıakovtyń «Dalanyń aq qyzy» atty ertegisin kórsetedi.
Qoıylym Astana qýyrshaqtar teatrynda ótedi. 26 tamyzda «Etnoaýyl» ulttyq-mádenı kesheninde «Segiz seri» qazaq halyq aspaptar orkestri jáne óńirdiń úzdik vokaldyq toby óner kórsetedi. 27 tamyzda EKSPO kórmesi aýmaǵyndaǵy amfıteatrda «Qyzyljar eli - Qazaqstan qazynasy» atty gala-kontsert ótedi. Oǵan «Rıngo» jáne «Aıýmı» toptary men oblys ártisteri qatysady.