Astanada 204 shetel azamaty ákimshilik jaýapkershilikke tartyldy
ASTANA. 25 qyrkúıek. QazAqparat - Astanada «Nelegal» jedel aldyn alý is-sharasy aıasynda 204 shetel azamaty anyqtalyp, ákimshilik jaýapkershilikke tartyldy, sonyń ishinde 9 adam sot sheshimimen elden alastatyldy. Bul týraly astana.kz saıtyna qalalyq ІІD baspasóz qyzmetinen habarlady.
«Nelegal» jedel aldyn alý is-sharasy elordada zańsyz kóshi-qonǵa qarsy áreket etý, sondaı-aq, shetel azamattarynyń kóshi-qon zańnamasyn saqtaýyn baqylaýdy qamtamasyz etý, qala aýmaǵynda zańsyz júrgen tulǵalardy anyqtaý maqsatynda 23-27 qyrkúıek aralyǵynda ótýde. Іs-shara aıasynda polıtseıler sheteldikter toptasyp turatyn jáne júretin oryndarǵa bazarlarǵa, qurylys nysandaryna, kólik turaqtaryna, turǵyn úı jáne saıajaı alqaptaryna, jataqhanalarǵa reıd júrgizedi. Sonymen qatar, qoǵamdyq tamaqtaný, halyqqa qyzmet kórsetý oryndary: meıramhanalar, dámhanalar, kólik jýý, TQS, kókónis pavılondary, qonaq úıler tekseriledi. «Nelegal» jedel aldyn alý is-sharasy aıasynda polıtsııa qyzmetkerleri 150-den astam nysandy tekserip shyqty. Sonyń ishinde bazarlar, saýda oryndary, páterler men jeke menshikti úıler, saıajaı ýchaskeleri, jataqhanalar, qurylys alańdaryn tekserý barysynda 204 sheteldik anyqtalyp, ákimshilik jaýapkershilikke tartyldy. Onyń ishinde 9 adam sot sheshimimen elden alastatyldy», - delingen taratylǵan aqparatta. Munymen qosa, Astana qalasynyń qabyldaǵysh-taratqyshyna 60 sheteldik tulǵasyn anyqtaý úshin jetkizildi. 15 adamnyń Qazaqstanda bolý merzimi qysqartyldy. Vedomstvonyń habarlaýynsha, kóshi-qon zańnamasyn óreskel buzǵany úshin shetel azamattaryna qatysty eki qylmystyq is qozǵaldy.
