Astanada 2027 jyly ústel tennısinen álem chempıonaty ótedi

  ASTANA. KAZINFORM - Astana 2027 jyly ústel tennısinen alǵash ret álem chempıonatyn qabyldaıdy.

Búgin, 27 mamyrda Halyqaralyq ústel tennısi federatsııasynyń (ITTF) bas assambleıasynda elimiz úshin tarıhı sheshim qabyldandy.

Álem chempıonatyn ótkizý quqyǵyna ıe bolý Qazaqstan AQSh jáne Frantsııa saıysqa tústi. Birinshi kezeńde AQSh az daýys jınap, kelesi kezeńge óte alǵan joq. Ekinshi kezeńde 54,68 paıyz daýysqa qol jetkizse, qalǵany Frantsııaǵa qoldaý bildirdi.

Alǵashqy daýys berý kezeńinde AQSh eń az daýys jınap, kelesi kezeńge Qazaqstan men Frantsııa ótti. Fınaldyq daýys berý nátıjesinde Qazaqstan 54,68 paıyz, al Frantsııa 45,32 paıyz daýys jınady.

Sondaı-aq jıyn barysynda 2028 jáne 2029 jyldarda atalǵan dúbirli dodany qabyldaıtyn memleketter belgili boldy.

Álem chempıonaty 2028 jyly Japonııanyń Fýkýoka qalasynda ótkizilse, 2029 jyly Brazılııanyń Rıo-de-Janeıro qalasynda ótedi.

Bul el tarıhyndaǵy ústel tennısinen eń iri jáne tarıhı shara bolady.

Aıta ketsek, budan buryn elimizde ústel tennısinen Azııa chempıonaty joǵary deńgeıde ótkizilgen edi. Ony mamandar oń baǵalaǵan bolatyn.

Eske salsaq, budan buryn Jánııa Bekmuhambetova ústel tennısinen Ispanııadaǵy týrnırde top jardy.