Astanada 2027 jyly bokstan álem chempıonaty ótedi

— Bul — qala úshin zor mártebe ári úlken jaýapkershilik. Boks — Qazaqstannyń bolmysymen bite qaınasqan sport túri. Bul — qaısarlyqtyń, tártiptiń jáne jeńiske degen jigerdiń kórinisi. World Boxing uıymynyń prezıdenti Gennadıı Golovkınmen, World Boxing uıymynyń bas hatshysy Tom Dılenmen jáne t. b. kezdestim. Kezdesýde álem chempıonatyna daıyndyq, sport ınfraqurylymynyń ázirligi jáne aldaǵy yntymaqtastyq máseleleri talqylandy, — dedi Jeńis Qasymbek.

Memleket basshysy elimizdiń bokstaǵy áleýeti óte joǵary ekenin, bul jetistikter halyqaralyq sport arenasynda moıyndalǵanyn atap ótip, «aldymyzda boksty ulttyq sport túrine aınaldyrý mindeti tur» degen bolatyn.

— Bokstan álem chempıonaty tek aýqymdy sporttyq doda ǵana emes, qazaqstandyq bokstyń joǵary deńgeıin taǵy bir márte aıqyndaıtyn mańyzdy is-shara bolaryna senimdimin. Chempıonatty eń joǵary deńgeıde ótkizý úshin bar kúsh-jigerimizdi salamyz, — dedi ol.

Aıta ketelik World Boxing Qazaqstannyń halyqaralyq sporttyq is-sharalardy uıymdastyrý deńgeıin joǵary baǵalaǵan edi.