Astanada 2025 jylǵa deıin 20 jaıly mektep salynady
«Úshaýysymdy jáne bala sany shamadan tys mektepter máselesin sheshý maqsatynda bıyl 22 752 oryndyq 11 mektep paıdalanýǵa berý josparlanǵan. Onyń ishinde 2 mektep 1 qyrkúıekte paıdalanýǵa berildi, qalǵan 9 mektep osy oqý jylynda qoldanysqa beriledi. Sonymen qatar «Jaıly mektep» ulttyq, pılottyq jobasy aıasynda 2026 jylǵa deıin elorda mektepterinde oryn tapshylyǵy máselesin sheshý mindeti tur. Jalpy «Jaıly mektep» jobasyn iske asyrýdyń úsh tetigi bar. Aldymen bıýdjet qarajy esebinen, ekinshi memlekettik-jekemenshik áriptestik arqyly jáne daıyn ǵımarattardy satý alý. Elordada «Jaıly mektep» jobasy aıasynda 2025 jylǵa deıin 90 myń oryndyq 20 mektep salý kózdelip otyr», - dedi Qasymhan Senǵazıev qalalyq máslıhattyń otyrysynda.
Basqarma basshysynyń aıtýynsha, jaıly mektepterdi salý 2023 jyly bastalady.
Buǵan deıin máslıhat depýtaty Astanada jaıly mektepterdiń deni sol jaǵalaýda salynatyndyǵy máselesin kótergen edi.