Astanada 2017 jyly barlyq áskerıler páterlermen qamtamasyz etiledi
Jańa toǵyz qabatty kirpishpen salynǵan turǵyn úı elordanyń áskerı qyzmetshileri kóp turatyn aýdanda - Shákárim Qudaıberdiuly dańǵylynda ornalasqan. Úıdiń aýmaǵy 15 myń sharshy metrden asady. Áskerılerge tabys etilgen páterler eń qajetti jıhazdarmen, as úı tehnıkalarymen jabdyqtalǵan. Úıdi salý barysynda balalar alańy, avtokólik turaǵy sııaqty oryndar da nazardan tys qalmaǵan.
«Bizde Astanada Orynbor kóshesinde úlken jer telimi bar. Onda turǵyn úı qalashyǵyn salý josparlanýda. Shamamen 6-8 kópqabatty qyzmettik úıler salynady. Jalpy 2017 jylǵa deıin ortasha eseppen 120 páterli 12-ge tarta turǵyn úı paıdalanýǵa beriledi. Bul Astana boıynsha áskerı qyzmetshilerdi páterlermen tolyq qamtamasyz etiledi degen sóz», - deıdi Kúrdeli qurylys jáne páterlendirý bas basqarmasynyń bastyǵy Ildar Genıatýlın.