Astanada 2017 jylǵa deıin apatty jaǵdaıda turǵan 186 úı buzylady
ASTANA. QazAqparat - Astanada apatty jaǵdaıdaǵy úılerde turyp jatqan azamattardyń turǵyn úı jaǵdaılaryn jaqsartý úshin apatty turǵyn úıdi buzý boıynsha pılottyq joba júzege asyrylyp jatyr. Astana qalasy Turǵyn úı basqarmasynyń habarlaýynsha, 2017 jylǵa deıin taǵy da 186 úı buzylmaq. Bul týraly astana.gov.kz resmı saıty habarlady.
Baǵdarlama sharttaryna sáıkes, Astana ákimdigi apatty jaǵdaıdaǵy úılerdi buzyp, olardyń ornyna aýdany boıynsha teń (ıaǵnı, «kvadratqa kvadrat») jańa páterler beredi.
Jalpy, joba baǵdarlamasy boıynsha 2017 jyldyń sońyna deıin 228 apatty úıdi buzyp, 3500 otbasyn kóshirý kózdelgen. Aıta keteıik, 2013 jyly apatty jaǵdaıdaǵy 11 turǵyn úı buzylyp, 178 otbasy kóshirilgen bolatyn.
2014 jyldyń sońynda - 2015 jyldyń basynda 31 apatty úıdi buzý jáne sáıkesinshe onda turatyn 463 otbasyn kóshirý josparlanǵan. 2017 jyldyń sońyna deıin qalǵan 186 úı buzylady.
