Astanada 2017 jyldan bastap aqyly kólik turaǵy engiziledi
ASTANA. QazAqparat - Astanada 2017 jyldan bastap aqyly kólik turaǵy engiziledi. Turaqqa kólik qoıý quny 100 teńge bolyp belgilenbek. Bul týraly adilet.zan.kz saıtynda jarııalanǵan «Astanada kólik quraldaryn orynturaqqa qoıǵany úshin aqy alýǵa jáne olardyń orynturaqta turǵan ýaqytyn esepteýge arnalǵan sertıfıkattalǵan arnaıy qurylǵylarmen jabdyqtalǵan oryndarda tarıfti belgileý týraly» qaýlysynda jazylǵan.
«Astananyń kólik quraldaryn orynturaqqa qoıǵany úshin aqy alýǵa jáne olardyń orynturaqta turǵan ýaqytyn esepteýge arnalǵan sertıfıkattalǵan arnaıy qurylǵylarmen jabdyqtalǵan oryndarda 1 saǵat orynturaqqa qoıǵany úshin tarıf 100 teńge kóleminde belgilensin» delingen qaýlyda.
Astana qalasy ákimdiginiń 2016 jylǵy 22 jeltoqsandaǵy № 108-2602 qaýlysy. Astana qalasynyń Ádilet departamentinde 2016 jylǵy 23 jeltoqsanda № 1084 bolyp tirkeldi.
