Astanada 2016 jyldyń úzdik baspasóz qyzmeti anyqtaldy

ASTANA. QazAqparat - Astanada kásibı mereke qarsańynda, ıaǵnı baılanys jáne aqparat qyzmetkerleriniń kúnine oraı «Eń úzdik baspasóz qyzmeti - 2016» baıqaýynyń marapattaý rásimi ótti.

Maýsymnyń 10 men 21 aralyǵynda respýblıkalyq BAQ redaktsııalary qatysqan daýys berý qorytyndysy boıynsha tórt nomınatsııanyń marapat ıeleri anyqtaldy. 

Ortalyq atqarýshy organnyń eń úzdik baspasóz qyzmeti bolyp QR Qorǵanys mınıstrliginiń baspasóz qyzmeti anyqtaldy.

Kvazımemlekettik sektor kompanııalarynan eń úzdik baspasóz qyzmeti bolyp «Astana EKSPO-2017» UQ» AQ tanyldy. «Jergilikti atqarýshy organnyń eń úzdik baspasóz qyzmeti» nomınatsııasy boıynsha Almaty qalasy ákimdigi ozyq shyqty. 

«Kásibı taný» - arnaıy nomınatsııasynyń jeńimpazy bolyp QR Bas prokýratýrasynyń baspasóz hatshysy Ýálı Ernur ataldy.  Budan bólek, «Eń jyldam baspasóz hatshysy» marapatyn QR ІІM tótenshe jaǵdaılar komıtetiniń resmı ókili Imanqulov Rýslan ıelendi.