Astanada 2016 jyldan bastap kommýnaldyq qyzmetter tarıfteri ózgeredi
ASTANA. QazAqparat - 2016 jylǵy 1 qańtardan bastap kommýnaldyq qyzmetter tarıfteri ózgeredi. Zańǵa sáıkes, tabıǵı monopolııa sýbektisi retteletin qyzmetterdi tarıfterdiń shekti deńgeıleri boıynsha usynýǵa mindetti.
Tarıftiń shekti deńgeıi 5 jyl uzaqmerzimdi kezeńge belgilenetin bolady.
Jańa tarıftik saıasat kommýnaldyq salaǵa tartylatyn ınvestıtsııalar kólemin ulǵaıtýǵa múmkindik beredi. Bul óz kezeginde tabıǵı monopolııalar sýbektisi usynatyn qyzmetterdiń sapasy men senimdiligin arttyrady, dep habarlaıdy astana.gov.kz.
Qazirgi kezde «Astana-REK» AQ elektr energııasyn taratý jáne úlestirý boıynsha tarıfi QQS qosa eseptemegende 1 kVt/saǵ úshin 2,89 teńgeni quraıdy, 2016 jyly bul tarıf QQS qosa eseptemegende 1 kVt úshin 3 teńge, 2017 jyly QQS qosa eseptemgende 1 kVt úshin 3,06 teńge; 2018 jyly QQS qosa eseptemegende 1 kVt/saǵ úshin 3,08 teńge; 2019 jyly QQS qosa eseptemegende 1 kVt úshin 3,10 teńge ; 2020 jyly QQS qosa eseptemegende 1 kVt úshin 3,11 teńge bolady.
«Astana-REK» AQ tarıfiniń shekti deńgeılerinde qarastyrylǵan amortızatsııalyq aýdarymdar men túsim 11 639,7 mln. teńge kóleminde 5 jyl merzimge ınvestıtsııalyq baǵdarlamany júzege asyrýǵa baǵyttalatyn bolady. Qarjy elektr jelilerin qalpyna keltirýge jáne jańǵyrtýǵa, tozǵan qondyrǵylardy aýystyrýǵa jumsalady. Investıtsııalyq baǵdarlamany júzege asyrý aıasynda EKEAJ (elektr energııasyn kommertsııalyq esepteýdiń avtomatty júıesi), relelik qorǵaýdy engizý, elektr nysandaryn qalpyna keltirý kózdelgen, bul kórsetiletin qyzmetterdiń sapasy men senimdiligin jaqsartýǵa múmkindik beredi. .
«Astana sý arnasy» MKK magıstraldi qubyrlar men taratý jelileri arqyly sý jiberý tarıfi QQS qosa eseptemegende m³ úshin 72,49 teńgeden 94,25 teńgege deıin ózgeredi. Osylaısha, halyq úshin ortasha tarıf 1 m³ úshin QQS qosa eseptemegende 43,73 teńgeden 44,81 teńgege deıin ósedi; halyq úshin 3 tekshe metrge deıingi tarıf QQS qosa eseptemegende 1 m³ úshin 35,85 teńgeden 44,81 teńgege deıin; halyq úshin 3 m³ artyq tarıf - QQS qosa eseptemegende 1 m³ úshin 43,02 teńgeden 44,81 teńgege deıin ózgeredi (tarıf ósimi - 4,17%); esepteý quraldary joq halyq úshin QQS qosa eseptemegende 1m³ úshin 53,78 teńgeden 44,81 teńgege deıin tómendeıdi.
Sonymen qatar, 2016 jylǵy 1 qańtardan bastap 3m³ deıin jáne odan artyq sý tutyný kólemi boıynsha halyq úshin saralanǵan tarıfter alynyp tastalady, ıaǵnı sý tutyný kólemderi boıynsha shekteýsiz biryńǵaı tarıf bolady.
«Astana sý arnasy» MKK tarıfteriniń shekti deńgeılerinde qarastyrylǵan amortızatsııalyq aýdarymdar men túsim 6 549,7 mln. teńge kóleminde 5 jyl merzimge ınvestıtsııalyq baǵdarlamany júzege asyrýǵa baǵyttalatyn bolady. Investıtsııanyń aıtarlyqtaı bóligi sýmen jabdyqtaý jáne sý burý jelilerin qalpyna keltirýge jáne jańǵyrtýǵa bólinbek.
«Astana-Teplotranzıt» AQ jylý energııasyn taratý men úlestirý boıynsha retteletin qyzmetterdiń 2016 jylǵy 1 qańtardan bastap kúshine enetin 5 jylǵa (2016-2020 jj.) belgilengen tarıf deńgeıleri QQS qosa eseptemegende 1 Gkal úshin 1 070 teńge;2017 jyly QQS qosa eseptemegende 1 Gkal úshin 1 134 teńge; 2018 jyly QQS qosa eseptemegende 1 Gkal úshin 1 202 teńge; 2019 jyly QQS qosa eseptemegende 1 Gkal úshin 1 262 teńge; 2020 jyly QQS qosa eseptemegende 1 Gkal úshin 1 325 teńge bolady.
«Astana-Teplotranzıt» AQ 2016-2020 jj. arnalǵan ınvestıtsııalyq baǵdarlamasy jalpy kólemi 6 370,9 mln. teńge salymmen bekitildi. Qarjynyń bir bóligi jylý jelilerin qalpyna keltirýge, arnaıy tehnıkany jańartýǵa jumsalmaq. Bul kólik quraldaryn jaldaýǵa jumsalatyn shyǵyndy qysqartýǵa, tozyǵy jetken jabdyqtardy aýystyrýǵa quraldar men júıelerdi satyp alýǵa múmkindik beredi.
