Astanada 2015 jyly apatty úılerden 1558 otbasy kóshiriledi
ASTANA. QazAqparat - Astana qalasynda pılottyq joba aıasynda apatty jaǵdaıdaǵy úılerdi buzý jumystary qolǵa alyndy. Apatty jaǵdaıdaǵy úılerde turatyn otbasylar jańa pátermen qamtylýda. Ústimizdegi jyly 1558 otbasyn jańa pátermen qamtý kózdelgen. Bul týraly elordanyń resmı saıtynda habarlady.
Astana qalasy Qurylys basqarmasynyń basshysy Vladımır Lıýtovtyń habarlaýynsha, apatty jaǵdaıdaǵy úılerdi buzý boıynsha 2013 jyldan beri jalpy aýdany 92 myń tekshe metrlik 1502 páterge eseptelgen 6 turǵyn úı paıdalanýǵa berilgen bolatyn. 2015 jyly jalpy aýdany 123 myń tekshe metrlik 2247 páterge arnalǵan turǵyn úıdiń qurylysy aıaqtalady dep kútilýde.
Pılottyq joba aıasynda 2015-2016 jj. tapsyrylatyn jalpy aýdany 214 myń tekshe metrlik 3824 páterge arnalǵan 5 turǵyn úıdiń qurylysy jalǵasýda.
Qalalyq turǵyn úı basqarmasynyń basshysy Rýslan Ahmetovtyń aıtýynsha, 2014 jyly apatty jaǵdaıdaǵy 11 úıden 176 otbasy kóshirilse, bıyl 114 eski úıden 1558 otbasy kóshiriletin bolady.
Joba 2017 jylǵa deıin júzege asyrylady jáne apatty jaǵdaıdaǵy úı 228 buzylady dep kútilýde.
