Astanada 2015 jyly alty jańa mektep ashylady
ASTANA. QazAqparat - Qazaqstannyń álemniń damyǵan 30 memleketiniń qataryna qosylýynyń basymdy baǵyttardyń biri bilim berý júıesin damytý bolyp tabylady. 3-6 jastaǵy balalardy mektepke deıingi mekemelermen júz paıyz qamtamasyz etý asa mańyzdy máselelerdiń biri. Sonymen qatar, oqý oryndarynyń jetispeýshiligi máselesin joıý jáne barlyq mektepterdi eki aýysymdyq oqýǵa aýystyrý mindeti qoıylyp otyr.
Elordada bilim berý nysandaryn salý jumystary belsendi júrgizilýde. Bıyl 10 700 orynǵa eseptelgen 9 mektepti paıdalanýǵa berý kózdelgen. Qazirgi kezde 6 nysannyń qurylysy aıaqtaldy. Bul týraly astana.kz saıtyna Astana qalasynyń qurylys basqarmasynan habarlady.
Árqaısysy 1200 orynǵa eseptelgen mektepter № 41 jáne L. Mırzoıan kóshesiniń qıylysynda, № 50 kóshe men Sh. Qaldaıaqov kóshesiniń ońtústiginde; Saraıshyq kóshesiniń ońtústiginde, Jumabaev kóshesiniń shyǵysynda; Jánibek, Kereı handar k-si, Orynbor jáne Túrkistan kósheleriniń oramynda; Eńbekshiler, Orynbor jáne Jánibek, Kereı handar kósheleriniń qıylysynda, sondaı-aq, Syganaq kóshesiniń ońtústiginde ornalasqan. 5 575 orynǵa eseptelgen alty mekteptiń qurylysy jalǵasýda, sonyń ishinde ekeýi 800 oryndyq KTM, qurylysty aıaqtaý merzimi - 2015 jyl. Jyl sońyna deıin úsh mektep salynyp bitedi.
Sonymen qatar, búginde Almaty men Aqmeshit kósheleriniń qıylysynda ornalasqan 240 oryndyq balabaqshanyń qurylysy aıaqtaldy. Jyl sońyna deıin 5 balabaqsha men 1 260 orynǵa eseptelgen 1 qosymsha ǵımarat salynyp bitedi. 1960 orynǵa eseptelgen 8 balabaqshanyń qurylysy jalǵasýda.
