Astanada 2015 jyly 219 myńnan astam jol júrý erejesi buzylǵan
Quqyq buzýshylyqqa «noldik tózimdilik» qaǵıdatyn iske asyrý maqsatynda 2015 jyly Astana qalasy ІІD Ákimshilik polıtsııa bólimsheleri 323,7 myńnan astam ákimshilik quqyq buzýshylyqty anyqtady, onyń ishinde 4,3 myńnan astamy usaq buzaqylyq, 22 myńnan astamy qoǵamdyq oryndarda alkogoldik ishimdikter ishý, 16,3 myńy qoǵamdyq oryndarda temeki buıymdaryn tutynýǵa tyıym salýdy buzý, 20,5 myńnan astamy qalany abattandyrý erejelerin buzý faktileri, sondaı-aq 2,6 myńnan astamy kámeletke tolmaǵandardyń túngi ýaqytta oıyn-saýyq mekemelerinde nemese turǵynjaıdan tys jerlerde bolýymen baılanysty quqyq buzýshylyqtar.
Ótken jyly 219 myńnan astam Jol júrý erejelerin buzý faktisi anyqtalyp, uıaly telefondy paıdalanǵany úshin 17,3 myńnan astam (591-bap), belgilengen jyldamdyq rejımin arttyrǵany úshin 15,6 myńnan astam (592-bap), qaýipsizdik beldigin paıdalaný erejesin saqtamaǵany úshin 20,9 myńnan astam (593-bap), kólik quralyn masań kúıde basqarǵany úshin 2,2 myńnan astam (608-bap), jaıaý júrginshilerdiń júrýine basymdyq bermegeni úshin 5,6 myńnan astam júrgizýshi (600-bap), Jol júrý erejelerin buzǵany úshin 19,7 myń jaıaý júrginshi, sondaı-aq jol qozǵalysyna qatysýshylarǵa qoıylatyn ózge de talaptardy buzǵany úshin (620-bap) 13,9 myń adam jaýapkershilikke tartyldy.
Sonymen qatar, 847 azamatty biriktirgen quqyq qorǵaý baǵytyndaǵy qoǵamdyq qurylymdardy damytý boıynsha jumystar júrgiziledi. Qoǵamdyq tártipti saqtaýdy qamtamasyz etýge belsendi qatysqany úshin 978 adam marapattaldy.
Qurylys jáne ózge de uıymdardyń sanıtarlyq jáne ekologııalyq normalardy saqtaýymen baılanysty quqyq buzýshylyqtardy anyqtaý boıynsha sharalar qabyldanýda. Qurylys nysandary boıynsha olardyń aýmaqty qurylys jáne iri kólemdi qoqystan ýaqtyly tazartý boıynsha talaptardy saqtaýy jónindegi is-sharalar turaqty túrde ótkiziledi. Atalǵan quqyq buzýshylyqtar úshin 210 astam laýazymdy tulǵa ákimshilik jaýapkershilikke tartyldy.
Aıta keteıik, 2016 jyldan bastap, Astanada Jergilikti polıtsııa qyzmeti óz jumysyn bastady, onyń quramyna 1,5 myńǵa jýyq polıtsııa endi. Jergilikti polıtsııanyń mindeti qoǵamdyq tártipti saqtaý, ýchaskelik ınspektorlardyń jáne jol-patrýldik polıtsııa qyzmetiniń jumystarynyń tıimdiligin arttyrý bolyp tabylady.