Astanada 2015 jyly 21 balaǵa seksýaldyq sıpattaǵy zorlyq-zombylyq kórsetilgen

ASTANA. QazAqparat - Elordada balalarǵa zorlyq-zombylyq kórsetý faktileriniń sany artýda.

«2015 jyldyń qorytyndysyna sáıkes qalada 140 balaǵa zorlyq-zombylyq kórsetilse, onyń 21-i seksýaldyq sıpatta», - delingen Saryarqa aýdandyq prokýratýrasy taratqan aqparatta.

Vedomstvonyń taldaý derekterine sáıkes balalarǵa qatysty seksýaldyq qylmys sanynyń artýyna eresekterdiń adamgershilik qasıetiniń tómendeýi ǵana emes, sonymen birge kámelettik jasqa tolmaǵandardyń rýhanı deńgeıiniń tómendeýi, túnde qydyrýǵa áýestikteri jáne t.b. sebep bolýda.