Astanada 2014 jyly kommýnaldyq qaldyqtardy jınaý bólek júrgiziledi

ASTANA. 13 qańtar. QazAqparat - 2014 jyly elordada kommýnaldyq qaldyqtardy jınaýdy negizgi eki tıpke bólý josparlanyp otyr. Bul týraly astana.kz saıtyna Astana qalasy ákimi apparatynyń Ómirdi qamtý jáne ınfraqurylymdy damytý bóliminen habarlady.

«2014 jyly kommýnaldyq qaldyqtardy jınaýdy negizgi eki tıpke bólý josparlanǵan. Organıkalyq jáne turmystyq qaldyqtar. Qoldanystaǵy metal konteınerler plastık konteınerlerge aýystyrylady jáne jeke sektorda kúl jınaıtyn konteınerler ornatylady», - delingen habarlamada.

Aıta keteıik, qaldyqtardy óńdeý tereńdigin 50% deıin arttyrý úshin bıyl qoqysty qaıta óńdeý kesheninde bıogaz qurylǵysyn salý kózdelgen. Atalǵan qurylǵy qaldyqtardy qaıta óńdeý, balama energııa kózderin (jylý jáne elektr energııasy) alýǵa múmkindik beredi.