Astanada 2014 jyldyń úzdik sportshylary marapattaldy (FOTO)

ASTANA. QazAqparat - Búgin Qazaqstannyń Ulttyq mýzeıinde «Jyl sportshysy - 2014» syılyǵyn tabystaýǵa arnalǵan saltanatty shara bolyp ótti.

Mádenıet jáne sport mınıstrligi on atalym boıynsha jyl úzdikterin anyqtapty. Atap aıtar bolsaq, «Jyldyń úzdik sportshysy» atalymy boıynsha Ilıa Ilın, Jasulan Qydyrbaev, Gennadıı Golovkın, Zúlfııa Chınshanlo, Denıs Ten, Danııar Eleýsinov, Dmıtrıı Balandın, Nazym Qyzaıbaı, Zarına Dııas, Aıbek Nuǵymarov syndy sportshylar ataldy.

Al «Jyldyń úzdik jattyqtyrýshy» ataǵy T. Bektemirov, D. Ádilǵazın, M. Eleýsinov, V. Nı, A. Kazakov, S. Qorjykenov, J. Ómirzaqov, F. Keroll syndy jattyqtyrýshylarǵa berildi. «Jyldyń úzdik sport federatsııasy» ataǵyn Qazaqstannyń boks federatsııasy, eskekti sport túrleriniń «Qaıyq» federatsııasy, QR aýyr atletıka federatsııasy, QR sý sporty túrleriniń federatsııasy jáne Ulttyq konkıshiler federatsııasy aldy.

«Jyldyń úzdik sporttyq uıymy» ataǵyna Ulttyq shtattyq komandalar jáne sporttyq rezerv dırektsııasy, Aýyr atletıkadan olımpıadalyq daıarlaý ortalyǵy, Q. Muńaıtpasov atyndaǵy olımpıadalyq rezerv respýblıkalyq mektep-ınternat-kolledji jáne Óskemen qalalyq Olımpıadalyq daıarlaý ortalyǵy laıyq dep tanyldy.

Al Soltústik Qazaqstan oblysynyń «Raısovskoe» JShS dırektory V. Kovalenko, Aqtóbe oblystyq «POSh saýyqtyrý ortalyǵy» JShS quryltaıshysy A. Mamyrbaev, «Bıik» JShS (OQO) dırektory B. Ábdýbaıtov jáne «IPK ZHERSU» JShS (Almaty oblysy) B. Ospanov «Jyldyń úzdik metsenattary» ataǵyna ıe boldy.

Saltanatty kesh barysynda barlyq atalymdardyń laýreattaryna qurmet gramotalary men aqshalaı syılyqtar tabys etildi.