Astanada 2013 jyly jańa Qazaqstan tarıhy murajaıy ashylýy josparlanýda
ASTANA. 15 qazan. QazAqparat - Murajaı Táýelsizdik pen J. Nájimedenov kósheleriniń qıylysynda salynýda. Elorda ákimdiginiń resmı saıtyndaǵy málimetke qaraǵanda, jalpy aýmaǵy - 9,4 gektar.
Ǵımaratta 250 oryndyq meıramhana, 300 oryndyq akt zaly, 60 oryndyq konferents-zaly, 138 orynǵa arnalǵan kitaphana jasaqtalýda, sondaı-aq ashyq avtoturaqta 470 avtokólik qoıýǵa bolady. Munda 400 murajaı qyzmetkeri men Qazaqstan tarıhy ǴZI-dyń 500 mamany jumys jasaıtyn bolady. Ǵımarat múmkindigi shekteýli azamattardyń qajettiligin eskere otyryp salynǵan.
