Astanada 2013 jyly «Energetıkalyq tıimdi oram» jobasy júzege asyrylady - S.Nokın
ASTANA. 18 sáýir. QazAqparat - TKSh jetildirý baǵdarlamasy sheńberinde jedel túrde «Energııalyq tıimdi oram» jobasy júzege asyrylady,
dep habarlady búgin «TKSh EKSPO-2013» halyqaralyq forýmy kezinde Óńirlik damý vıtse-mınıstri Serik Nokın. Bul týraly primeminister.kz saıty jazdy.
«Astanada ázirge jedel túrde «Energetıkalyq tıimdi oram» jobasyn júzege asyrýdy josparladyq, al sosyn shaǵynaýdan, bul Kúıshi Dına kóshesiniń aýmaǵyn qamtıdy», - dedi S.Nokın.
Sonymen qatar, ol ortalyqtandyrylǵan esepteý quraldaryn durys ornatý arqyly energetıkalyq tıimdilikti arttyrýǵa qol jetkizýge bolatynyn aıtty.
Esterińizge sala keteıik, buǵan deıin «Energetıkalyq tıimdi shaǵynaýdan» joba bastamasyn TKSh-nyń Ulttyq palatasy usynǵan bolatyn. Joba sheńberinde shaǵynaýdan ınfraqurylymyn tıimdi basqarýdyń jańa úlgisin aprobatsııalaý josparlanǵan, bul energııa resýrstaryna shyǵyndy tómendetedi.
