Astanada 2013 jyldyń 11 aıynda 10 myńǵa jýyq turǵyn úı paıdalanýǵa berildi
ASTANA. 18 jeltoqsan. QazAqparat - Elordada 2013 jylǵy qańtar-qarashada jalpy aýdany 1 032 373 sharshy metrlik 9 536 páter paıdalanýǵa berildi. Bul týraly astana.kz saıtyna qalalyq Statıstıka departamentinen habarlady.
«Elordada 2013 jylǵy qańtar-qarashada turǵyn úılerdiń jalpy aýdanynyń 1 sharshy metriniń ortasha naqty quny 110 myń teńgeni (2012 jylǵy qańtar- qarashada - 92,2 myń teńge), al paıdaly aýdanynyń 1 sharshy metriniń ortasha naqty quny 144,6 myń teńgeni (2012 jylǵy qańtar-qarashada - 125,8 myń teńge), sonyń ishinde jeke salýshylarmen salynǵany 53,6 myń teńgeni qurady», - delingen habarlamada.
Aıta keteıik, jeke salýshylarmen jalpy aýdany 74 592 sharshy metrlik turǵyn úı salynǵan, bul 2012 jylǵy qańtar-qarasha deńgeıine shaqqanda 165,1%. Jalpy iske qosylǵan turǵyn úılerdegi jeke turǵyn úıdiń úlesi 2012 jylǵy qańtar-qarashadaǵy 3,8% qaraǵanda 7,2% qurady.
