Astanada 2012 jylǵy memlekettik organdar qyzmetterin baǵalaý qorytyndysy talqylanady
ASTANA. 13 qazan. QazAqparat - 16 qazan kúni Astanada 2012 jylǵy memlekettik organdar qyzmetiniń tıimdiligin baǵalaý máseleleri men ári qaraı baǵalaý júıesin jetildirýge arnalǵan III Halyqaralyq ǵylymı-tájirıbelik semınar konferentsııa ótedi. Bul aqparatty QR Ekonomıka jáne bıýdjettik josparlaý mınıstrliginiń baspasóz qyzmeti taratty.
2010 jyldan bastap Qazaqstanda jyl saıynǵy Baǵalaý júıesi barlyq ortalyq memlekettik jáne jergilikti atqarýshy organdaryna alǵash ret engizildi. Sońǵy úsh jyldaǵy baǵalaý qorytyndalary kóptegen memlekettik organdar qyzmetteriniń oń nátıjelerin kórsetýde jáne memlkettik organdar jumysyndaǵy negizgi máselelerdi anyqtaýǵa múmkindik berdi.
Osy konferentsııa aıasynda 2012 jyldyń baǵalaý qorytyndylary jarııa etiledi, baǵalanatyn memlekettik organdar arasynda kóshbasshylarmen aýtsaıderler anyqtalady, baǵalaý júıesin odan ári jetildirý máseleleri talqylanady. Konferentsııaǵa qatysýǵa shaqyrylǵan halyqaralyq sarapshylar halyqaralyq tájirıbe týraly sóz sóıleıdi jáne memlekettik organdardy baǵalaýda aldyńǵy qatarly tájirıbeler jaıly aıtyp beredi.
